У КЦВ ше од ковиду-19 лїча 126 пациєнти, осмеро у барз чежким стану, на Новосадским сайму 62 хори

У Клинїчним центре Войводини (КЦВ), у тей хвильки ше лїча 126 пациєнти при котрих потвердзене же ше похорели од ковиду-19.

Од того, осем пациєнти ше находза у барз чежким стану и їх лїченє вимага применьованє механїчней вентилациї.

Источасно, у дочасовим шпиталю на Новосадским сайму лїча ше 62 пациєнти зоз лєгчейшу клинїчну слику котра нє вимага госпитализацию.

Вчера зоз КЦВ, по нєобходним периоду лїченя у тей уставнови, на дальше лїченє дома пущени ище осем пациєнти.

Вєдно з нїма, од початку пандемиї вирусу ковид-19, зоз КЦВ на хижнє лїченє котре подрозумює дальше запровадзованє мирох изолациї и лїкарски надпатрунок инфектолоґох, одпущени вкупно 16 пациєнти.

На гражданох ше апелує же би строго почитовали шицки предписани мири превенциї и самозащити и так допринєсли успишней борби и конєчней побиди над пандемию вирусу ковид-19.