Ґойкович: Гражданє зоз симптомами до амбуланти и кед полицийни час
Покраїнски секретар за здравство Зоран Ґойкович надпомнул нєшка гражданом же, кед маю симптоми котри указую на можлївосц коронавирусу, можу пойсц до ковид-амбулантох и док тирва полицийни час.
“Без огляду на тото же тирва полицийни час и же забрана рушаня, апелуєм и модлїм гражданох котри маю симптоми хороти, гоч и найменши, же би нє одкладали нащиву дохторови, най ше явя до ковид-амбулантох, най мири котри хвильково на моци нє буду причина же би пожнєли зоз явяньом лїкарови” – гварел Ґойкович.
Вон наглашел же циль же би шицким гражданом була обезпечена урґентна здравствена услуга, та же прето шицки установи робя з полним капацитетом и без часового огранїченя.