Вучич: Наздавам ше же позарядови стан будзе утаргнути по конєц мешаца
Предсидатель Александар Вучич гварел нєшка новинаром у Нишу же ше наздава же позарядови стан будзе утаргнути по конєц мешаца.
Утаргованє позарядового стану, визначел вон, нє значи же нє будземе мац ище обовязки и же ше нє будземе мушиц дисциплиновано справовац.
Вучич гварел же наиходзаци 10 днї ключни, же ше по 20. април ришує судьба нашого одношеня спрам коронавирусу и поручел же тераз дисциплина гражданох найважнєйша.
Вон гварел же нєшка пошол до Нишу поручиц гражданом же Сербия з нїма и визначел же кажди седем днї держава посила защитну опрему, материяли, респиратори. Як гварел, за єден мешац до Нишу послати 29 клинїчни респиратори и 20 нєинвазивни, з другу медицинску и защитну опрему.